Пользователь Gerasimov. Все оставленные пользователем комментарии
Всего комментариев: 34338
Для поиска Вы можете воспользоваться новым сервисом поиск в комментариях
|
|
Gerasimov +98 | 23.02.19 20:43 | # | оценка комментария: 0
О Всепетая Мати, Пресвятая Госпоже Дево Богородице! Призри на нас, приносящих смиренно со слезами малыя сия молитвы пред пречистым Твоим образом и все упование и надежду возложивших на Тя, и избави нас всех бед и напастей в животе сем и будущия изми муки, да спасаемии Тобою, вопием выну: Аллилуиа.
|
|
"Богородица Иверская в окладе"
Шуршаков Игорь
|
|
|
Gerasimov +98 | 23.02.19 19:55 | # | оценка комментария: 0
Поюще Твоя чудеса, являемая нам в жизни сей, хвалим Тя, Богородице, яко милости источник неисчерпаемый. Но, припадающе к Тебе пред чудотворною иконою Твоею, молим Тя смиренно, буди нам покров и защищение и в день кончины нашея, и егда имамы предстати на суд страшному престолу Сына Твоего, да вопием ти: Радуйся, во славе приседящая престолу Сына Твоего и тамо нас воспоминающая; радуйся, с Сыном Твоим и Богом вечно царствующая и о нас ходатайствующая. Радуйся, уповающим на Тя конец живота непостыден дарующая; радуйся, безболезненную и мирную кончину устрояющая. Радуйся, мытарств горьких избавление; радуйся, от власти князя воздушнаго свобождение. Радуйся, грехов наших непоминовение; радуйся, по Господе упование нам блаженныя жизни. Радуйся, уповающим на тя одесную Сына Твоего стояние устрояющая; радуйся, блаженнаго гласа Онаго, Небеснаго Царствия наследие обещающаго, слышати сподобляющая. Радуйся, благая Мати, всех чтущих Тя жити с Собою вселяющая; радуйся, крепкая надеждо вечнаго спасен
|
|
"Богородица Иверская в окладе"
Шуршаков Игорь
|
|
|
Gerasimov +98 | 23.02.19 13:59 | # | оценка комментария: 0
Благодать дати восхотев долгов древних, всех долгов Решитель человеком, прииде Собою ко отшедшим Того благодати и, раздрав рукописание, дарова нам крепкое Богоблагодатныя ходатайство, да вопием вси молитвами Ея: Аллилуиа.
|
|
"Богородица Иверская в окладе"
Шуршаков Игорь
|
|
|
Gerasimov +98 | 23.02.19 12:55 | # | оценка комментария: 0
Светоприемную свещу, сущим во тьме бед явльшуюся, зрим святую икону Богоматере: невещественный бо огнь благодати приемлющи, лучами чудес всех озаряет, научающи сице взывати Благословенней: Радуйся, во всяких нуждах скорое вспоможение; радуйся, в печалех быстрое услышание. Радуйся, от огня, меча и нашествия иноплеменных нас избавляющая; радуйся, от глада и напрасныя смерти нас свобождающая. Радуйся, от язвы и всегубительства смертнаго нас соблюдающая; радуйся, бедствующим в пути, на суше и на водах внезапное вспоможение. Радуйся, язв душевных и телесных врачевание; радуйся, оставленных врачами в Свои руки приемлющая. Радуйся, милосердая Утешительнице всех скорбящих и обремененных; радуйся, не отвергающая всех презренных и отверженных. Радуйся, самых отчаянных из рова погибели исхищающая; радуйся, и мене, обнаженнаго добрых дел, не оставляющая Своим покровом и заступлением. Радуйся, благая Вратарнице, двери райския верным отверзающая.
|
|
"Богородица Иверская в окладе"
Шуршаков Игорь
|
|
|
Gerasimov +98 | 23.02.19 08:32 | # | оценка комментария: 0
Пение всякое побеждается, спростретися тщащееся ко множеству многих щедрот Твоих: равночисленныя бо песка песни аще приносим Ти, Владычице наша Богородице, ничтоже совершаем достойно, яже подаваеши нам, о Тебе вопиющим: Аллилуиа.
|
|
"Богородица Иверская в окладе"
Шуршаков Игорь
|
|
|
Gerasimov +98 | 22.02.19 19:55 | # | оценка комментария: 0
Стена еси иноческому чину, Богородице, и всем, к Тебе прибегающим; ибо Небесе и земли Творец, вселься в девственней утробе Твоей, научи всех чистоты и целомудрия ревнителей возглашати Тебе: Радуйся, девства сосуде избранный; радуйся, чистейший образе целомудрия. Радуйся, чертоже безсеменнаго уневещения; радуйся, Невесто Неневестная. Радуйся, Сеятеля чистоты рождшая; радуйся, верных Господеви сочетавшая. Радуйся, в бури искушений скорая Помощнице; радуйся, прилоги врага отражающая. Радуйся, мглу душевредных страстей отгоняющая; радуйся, помыслы очищающая. Радуйся, земныя сласти презирати научающая; радуйся, к горнему умы и сердца направляющая. Радуйся, благая Вратарнице, двери райския верным отверзающая.
|
|
"Богородица Иверская в окладе"
Шуршаков Игорь
|
|
|
Gerasimov +98 | 22.02.19 17:57 | # | оценка комментария: 0
Спасти хотящи многия люди от бед и скорбей, источаеши, Богомати, неоскудный источник милости от Своея иконы роду нашему: се бо и в стольном граде Москве благая Вратарница являешися всем поклоняющимся Тебе, скорое вспоможение подавающи, и в новой обители Иверстей благодати струи от иконы Твоея испущаеши, и во иных градех, обителех и весех чтущим Тя полезное прошение исполняющи. Темже, прославляя Бога, давшаго нам благодать таковую, вопием Ему: Аллилуиа.
|
|
"Богородица Иверская в окладе"
Шуршаков Игорь
|
|
|
Gerasimov +98 | 22.02.19 14:21 | # | оценка комментария: 0
Ветия многовещанныя, яко рыбы безгласныя, видим о Тебе, Богородице: недоумеют бо, како по достоинству похвалити вся чудеса Твоя, явленная роду нашему от святыя Твоея иконы: еще бо на пути в Российскую страну сия чудодействоваше, благочестивому Мануилу повелевая выкуп дати неверным, возбраняющим шествие святыя иконы в страну Русскую, и сугубо ему послежде отдавши. Мы же, дивящеся, верно вопием Ти: Радуйся, источниче чудес неисчерпаемый; радуйся, всякия милости Подательнице. Радуйся, всегда теплая о нас Ходатаице к Богу; радуйся, промышления Его о нас сокровище. Радуйся, сущим в бедах прибежище; радуйся, скорбящих утешение. Радуйся, больных исцеление; радуйся, немощных укрепление. Радуйся, вдов заступление; радуйся, сиротствующих милосердая Мати. Радуйся, заблуждающих на путь истины обращение; радуйся, грешников к покаянию воззвание. Радуйся, благая Вратарнице, двери райския верным отверзающая.
|
|
"Богородица Иверская в окладе"
Шуршаков Игорь
|
|
